أقسام الوصول السريع ( مربع البحث )

ما الجديد !

كيفية العمل والربح من موقع خمسات أول دولار - ممكن اتعلم

خمسه دولار هو اقل مبلغ ممكن تقبضه في ايدك مقابل خدمه صغيره وانت في مكانك في البيت وكمان بالدولار هو ده العمل عن بعد من خلال خمسات.

ما هي طريقه العمل واستراتيجيات ونصائح وازاي نجيب اول عميل ونسوق لشغلنا ومهاراتنا هو ده اللي انت هتعرفه معانا النهارده.

بينا نمسك اول فلوس من العمل عن بعد من خلال موقع خمسات ببعض المهارات المتاحه معاك او اللي هنتعلمها.


بدأ العمل عن بعد من خلال موقع خمسات والوصول لأول عميل
الربح من موقع خمسات - ممكن اتعلم



مقدمة بسيطة عن موقع خمسات

هو موقع الكتروني لبيع الخدمات المصغره ويعد من اهم المواقع للاستثمار في النفس والمال والوقت ويضم اكثر من مليون زياره شهريه من جميع انحاء العالم.


طريقة التسجيل علي موقع خمسات


طريقة التسجيل علي موقع خمسات - ممكن اتعلم

  1. انضم لموقع خمسات.
  2. سجل الدخول لو عندك حساب قديم ولو مفيش حساب دوس على تسجيل حساب جديد.
  3. سجل بيانات حسابك بعدها وافق على أنك قرأت الشروط وفعل الكباتشه واضغط على تسجيل.
  4. وبعدها ستصلق رساله على بريدك الكتروني الذي وضعته اطلع عليه واضغط على أكمل التسجيل.
  5. بعد الضغط على اكمل التسجيل سيتم التوجه بموقع خمسات وفتح حسابك وتاكيده.
  6. وحدد نوعيه حسابك هل انت بائع ام مشتري وحدد اسم المستخدم خاص لك.
  7. وهنا في اسم المستخدم يجب ان تنشئ لنفسك براند خاص لك وهو ما سنتكلم عنه (Personal branding) ولكي لا اطيل اختار اسم مناسب لك (اسمك-اسم مشروع-شيء ابداعي) وبعدها علم صح على قرأت الشروط واضغط على اكمل
  8. بعدها توجه لقسم الاعدادات وسيظهر لك اشعار يجب توثيق الهويه وعند توثيق الهويه سيتيح لك بعض المميزات والاستخدامات.
  9. اضغط على توثيق واكمل بعض البيانات وارفق صوره البطاقه وجه امامي وخلفي وصورة سيلفي مع بطاقتك وبعد اتمام ذلك سيتم تاكيد هويه حسابك في خلال 48 ساعة.
  10. التسجيل على موقع خمسات تم هنبدا نعرف ازاي نضيف الخدمات.

4 مستويات أو ترقيات لحساب البائع في خمسات

  • مستوى 1: بائع جديد

    • يمكنه تقديم 5 خدمات كحد أقصى
    • إضافة خدمات بسعر 5$ أو 10$
    • إمكانية إضافة 5 تطويرات للخدمة بسعر يصل إلى 100$ للتطوير الواحد

  • مستوى 2: بائع نشيط

    • قام بإنهاء 10 طلبات على الأقل:يمكنه تقديم 10 خدمات كحد أقصى
    • إضافة خدمات بسعر يبدأ من 5$ حتى 25$
    • إمكانية إضافة 5 تطويرات للخدمة، بسعر يصل إلى 100$ للتطوير الواحد

  • مستوى 3: بائع مميز

    • قام بإنهاء 50 طلب بتقييم لا يقل عن 4.5:يمكنه تقديم 25 خدمة كحد أقصى
    • إضافة خدمات بسعر يبدأ من 5$ حتى 50$
    • إمكانية إضافة 5 تطويرات للخدمة، بسعر يصل إلى 200$ للتطوير الواحد
    • أولوية في الدعم الفني

  • مستوى 4: بائع موثوق

تتم ترقية الحسابات من رتبة بائع مميز إلى بائع موثوق يدويًا من قبل فريق خمسات وفق المعايير التالية:
    • تقديم خدمات ذات جودة عالية بمحتوى ومظهر احترافي
    • التواجد في الموقع بشكل مستمر، علماً أن الانقطاع لمدة شهر أو أكثر يؤدي إلى إزالة الرتبة عن البائع
    • الالتزام بشروط موقع ومجتمع خمسات
    • السيرة الحسنة للبائع ومرونته بالتعامل مع المستخدمين
    • ملف شخصي احترافي يتضمن نبذة كاملة وصورة حقيقية

يحصل البائع الموثوق على الميزات التالية:

  • إمكانية إضافة خدمات بعدد غير محدود
  • إضافة خدمات بسعر يبدأ من 5$ حتى 50$
  • إمكانية إضافة 5 تطويرات للخدمة بسعر يصل إلى 200$ للتطوير الواحد
  • إضافة شارة badge بائع موثوق للحساب
  • أولوية في الدعم الفني
للدخول لصفحة المستويات علي موقع خمسات

أضافه الخدمات علي موقع خمسات

  • يجب كتابه عنوان يمثل خدمتك مثال نقدم خدمه صنع شعارات هنكتب ايه في الحاله دي
    • تصميم شعار بجوده مميزه لشخص او شركه او صفحه
  • كل مكان العنوان بيوصف الخدمه بشكل مبسط وبدون حشو في الكلام هيجذب عملاء اكثر وهيخلي خمسات تقبل الخدمه
  • وبعدها أختار التصنيف والتصنيف الفرعي
    • بالنسبه للخدمه الافتراضيه دي: هختار التصنيف: تصميم واختار التصنيف الفرعي: تصميم شعار
  • وصف الخدمه وهنا احنا بنوصف ايه الخدمه اللي هنعملها وايه اللي احنا هنتقدمه له مقابل المبلغ المقدم للخدمه
  • وهنا ساكتفي بثلاث عناصر نظرا انها مقال وليس وصف الخدمه في خمسات
    • مرحبا بك هذا العمل سياخذ مني يوم لا اكثر ساقدم لك الاتي ذكره
    • صورة الشعار jpeg + png 
    • 2 موك أب للشعار
    • هسلمك ملف العمل بعد التنفيذ psd
    • يحق لك ثلاث تعديلات فقط وازيد من ذلك يمكنك شراء تطوير للتعديلات
  • يجب العلم انك لازم تلتزم بالكلام المكتوب للامانه انك لو اخليت بالاتفاق هيعطي انطباع سيء عنك واحنا في الاول عايزين ناخد تقييمات ايجابيه وحسن تعامل من قبل الموقع والمشترين.
  • معرض الخدمه وهنا هترفع صور لنماذج شعارات او مهاراتك انا هنا بتكلم عن خدمه الشعارات انت بتقدم بقى المهاره اللي بتقدمها هترفض صور او فيديوهات لاشكال او مجموعه مختلفه بطريقه اكثر احترافيه لجذب عين العميل وذوقه.
  • سعر الخدمه اختار ما بين 5 دولار او 10 دولار اما مده التسليم فيفضل كل ما كانت المده اقل كان افضل لك وللمشتري
  • الكلمات المفتاحيه اختارها بدقه ليسهل الوصول لك من قبل العملاء والموقع يقترح عليك بعض الكلمات المفتاحيه فاختار من ضمن ما تريده.
  • تعليمات المشتري: اكتب بعض التحذيرات او التعليمات التي تريد توضيحها لي المشتري ليكون على علم بها من الاول.
  • اضافه تطوير لهذه الخدمه: وهنا يمكنك اضافه كل ما تريد مقابل المبلغ الذي تريده ايضا مثال
    • لسرعه انهاء الخدمه في خلال 12 ساعه من الطلب المقابل 25 دولار او 40 دولار
    • لعدم عرض المشروع في معرض اعمالي المقابل 65 دولار
    • لطلب تعديل واحد جديد المقابل 20 دولار
  • وبذلك يمكنك ظبط سعر الخدمه والسعر التطويرات ليكملوا بعضهم بشكل يناسبك وضيف التطويرات لخدماتك زي ما تحب.
  • وبعدها علم صح على تاكيد الشروط واضغط اضف الخدمه وبعدها انتظر ردهم بتم نشر الخدمه ولو في مشكله في النشر راجع الخطوات المذكوره بالاعلى نفذها كويس اهتم بمعرض الخدمه ووصف الخدمه وعنوان الخدمه.

اما اللي جاي هو ازاي تسوق لنفسك ازاي نعمل براند لنفسنا ازاي نجيب اول عميل ازاي نجيب اول دولار من العمل عن بعد بينا نكمل التفاصيل المهمه.

التسويق لخدماتك على موقع خمسات

ازاي تسوق لنفسك او ازاي نعمل براند لنفسنا وهنا انت بتوصل لجمهورك من خلال طريقين:

  • الطريق الاول داخل موقع خمسات من خلال قسم طلبات الخدمات غير الموجودة داخل قسم مجتمع خمسات.
    • تابع هذا القسم باستمرار وحاول ان تكون متواجد بالقدر الكافي على الموقع لمتابعه هذا القسم من طلبات لعملاء يمكنك تاديتها وتناسب مهاراتك.
    • يمكنك جذب عميل واكثر من عميل من خلال عرض اعمالك بشكل اكثر اغراء وجذب من خلال اضافه تعليقات على الطلبات فكل ما نريده هو أول عميل وسيأتي الباقي تدريجياً.

  • الطريق الثاني من خلال مشاركه رابط شراء خدماتك على مواقع التواصل الاجتماعي (فيسبوك - انستاجرام - تيك توك - تويتر - يوتيوب - ديلي موشن - فيمو) وباقي المنصات التي لم تذكر.

    • وناتي للجزئيه الثانيه تصميم براند لنفسنا وهو ان تبدا بربط خدماتك بجميع المواقع التواصل الاجتماعي المذكوره في السطر السابق وتوحيد اسم المستخدم في جميعها حتى موقع خمسات كما ذكرت بالاعلى في طريقه التسجيل على موقع خمسات رقم 7 اطلع عليها وارجع كمل هنا تاني ترتبط الاحداث ببعضها.
    • فبيع الخدمه ليس فقط مقتصر على خمسات فموقع خمسات جزء من عده اجزاء يمكن استغلالها لجذب المزيد من العملاء.
    • استغل الريلز على منصه فيسبوك وانستاجرام والتيك توك او ما تسمى بالفيديوهات القصيره على اليوتيوب استغلهم جميعا بالنشر المستمر فكلما نشرت اكثر ريلز حصلت على مشاهدات اعلى فتزيد احتماليه العملاء المشترين انشر في اليوم لا يقل عن ثلاث ريلز على كل منصه فهذا اقل شيء وكلما زادت اعداد الريلز زاد وعي الجمهور بك وزادت نسب الشراء.
    • قدم نصائح او اعلن عن خدماتك او اعلن عن تريكات او لمسات من خلال منشورات او الريلز في مجالك أو في مهاراتك او في الخدمه اللي بتقدمها حتى تشعر العملاء انهم سيحصلون على قيمه كبيره عندما يتعاملون معك.

وبكدا هنكون عرفنا الطريقة عشان نعرف نوصل لأول عميل وباقي العملاء.

تعلم مهارة لبيعها علي مواقع العمل الحر

انت مش لازم يكون عندك علم كبير أوي اوي عشان تعرف تقدم مهارة انت اي مهارة عندك تقدر تستغلها علي موقع خمسات أو غيره.
    • اشهر مهاره على موقع خمسات صنع الشعارات
    • واكتب على اليوتيوب كورس صنع الشعارات على كانفا
    • كل ده مش هياخد وقت ولكن لعلمك لشهره الخدمه فهتلاقي عليها عدد كبير من البائعين فلازم تتميز عنهم بحاجه مش بس بصنع الشعارات في الخدمه اللي بتقدمها قصدي في السطر ده افتح الموقع وخش دور واكتشف كل قسم من اقسام الخدماتشوف تقدر تقدم ايه أو حابب تتعلم ايه.
    • ودور على الخدمه دي على اليوتيوب وشوف ازاي تتعمل وتعلمها عشان تعرف ازاي تأديها بالشكل المطلوب وتكسب اول دولار من اول عميل.
    • هي مش صعبه على فكره هي محتاجه التزام منك قدام نفسك انك لازم تتعلم مهاره تفيدك وتعمل لك دخل بعد كده.
    • ممكن تقدر تستخدم المهاره دي في انك تقدم عليها كورس وتبيعه لناس محتاجه ازاي تعرف تبدا فيها لما تبدا تتعلم انت فيها وتعرفها اكثر ويعدي عليك سنين من الخبره ساعتها هتكون بتعمل فلوس من الهوا بسبب المهاره دي ما فيش حاجه بتيجي في يوم وليله كل حاجه بتبقى عايزه شغل من الاول مفيش فلوس هتيجي في ضغطه زرار واحده.
  • تقدر تستفيد من الموقع بشكل ثاني من خلال التسويق بالعموله على موقع خمسات لو انت عايز تريح دماغك.

استراتيجية العمل عن بعد في موقع خمسات

استراتيجية هكسب فلوس يعني هكسب:
    • قم بأنشاء خدماتك بشكل احترافي وأكثر تميزا وعدل عليهم اذا اردت من وقت لتاني لو عايز تضيف جديد
    • شارك الخدمات علي مواقع التواصل الاجتماعي وفي مجموعات واصنع لا يقل عن 10 ريلز يوميا لسرعة الانتشار فكلما زاد العدد كان افضل لك.
    • كن مميز في عروضك لخدماتك وقدم عروض مشجعة للطلب.
    • اطلب من الانفلونسر علي السوشيال ميديا يعملوا دعايا لك ولخدماتك بمقابل مادي أو انك تعملهم خدمة دي مجاني مقابل ان جمهورهم يتواصل معاك.
    • احرص علي تسجيل تقييمات إيجابية من العملاء واحتفظ بها علي صفحاتك كمرجع للعملاء الجدد كما في قسم الاراء مثل صفحة الفيس بوك أو اصنع  highlight  علي  انستا وسميها ريفيوهات أو مراجعات أو تقييمات علي صفحة انستاجرام الخاص بك هتعطي عنك انطباع إيجابي عالي.
  • متزهقش كمل انا كدا خلصت انت لازم تبدأ لأن ده هدفي مش قرأيتك للمقال هدفي تنفيذك للقراءة دي أنك تكسب فلوس من مقالة.

أسئلة يبحث عنها الجميع:

كيف تبيع اول خدمه في خمسات؟

من خلال طريقتين الاولى التسويق لها على منصات التواصل الاجتماعي واستغلال الريلز كما ذكر بالمقال والطريقه الثانيه من خلال الرد بالتعليقات على العملاء الموجودين بقسم الطلبات الغير موجوده في موقع خمسات.

ما هي اكثر الخدمات المطلوبه في موقع خمسات؟

خدمات التسويق الكتروني - برمجه والتطوير المواقع - تصميم الجرافيك - تحرير الفيديو - اعمال الانيميشن والموشن جرافيك - تصميم فيديوهات تعليميه والتسويقيه كفيديوهات ايضا السبوره البيضاء.

ما الفرق بين موقع خمسات وموقع مستقل؟

لا يوجد فرق بينهم غير في جزئيه ان موقع خمسات يوجد به قسم الطلبات الغير موجوده والتي يمكن استغلاله لكسب المزيد من العملاء.

خلاصة المقال:

  • انا جاوبتك علي سؤال: ما هي طريقه العمل واستراتيجيات ونصائح وازاي نجيب اول عميل ونسوق لشغلنا ومهاراتنا هو ده اللي انت عرفته معانا النهارده بالمقال بالتوفيق لأختيارك ممكن اتعلم.
ممكن اتعلم
بواسطة : ممكن اتعلم
إحنا فريق موقع ممكن اتعلم: ستكتشف طرق بدء مشاريع العمل على الانترنت وزيادة دخلك السلبي هيا بنا نعرف سويا الكثير حول الربح من الانترنت ونرغب بتقديم الاستفادة لعل يكون الموقع باب رزق لغيرنا وهدفنا إثراء المحتوي العربي بكل جديد ومفيد ساعدوا بعض وحبوا بعض تحياتنا لكم.
تعليقات



حجم الخط
+
16
-
تباعد السطور
+
2
-